【明報專訊】立法會選委會界別議員管浩鳴（右）平時都頗有表演慾，佢前日就同團體合作搞咗個長者音樂會，分別演唱廣東歌《幾許風雨》、《獅子山下》同國語歌《耶利亞女郎》。開場無幾耐，台下有觀眾準備支持燈箱，包括有「管牧好勁啊」、「香港好聲音管牧」、「管牧師」等字眼。管牧一邊演唱，見到都「嘩」一聲，「有燈箱，不得了，未試過」，仲講笑好似置身電視節目《中年好聲音》嘅現場。最後喺民建聯議員梁熙鋼琴伴奏下，管牧表演一曲《海闊天空》。
