【Emily】議員倡同鄉會年輕化 提供公職人選

民青局長麥美娟回應時提到自己同副局長梁宏正都有為家鄉順德同鄉組織服務，又記得2016年立法會新界東補選，佢畀人包圍，都係多得福建社團一個義工陪咗佢一個鐘頭。麥話現時選委會仲新增埋同鄉社團界別，而18區分區委員會中都有同鄉社團背景嘅地區人士，日後會繼續加強同各界同鄉社團協作。

提出動議嘅民建聯陳仲尼話，過去政府無系統與同鄉社團溝通同調配，好多時候社團自行安排，地區有事嘅時候，政府同社團各有各做，希望18區民政處建立恆常溝通渠道。佢又話社團要年輕化，為政府提供公職人選做準備。