【明報專訊】政府部門不時同港台合作拍劇，作為宣傳部門嘅工作之一，最新一套係同民航處合作拍嘅《不再盤旋只因你》，一共4集，由聽晚（18日）起一連4個周六晚播出，民航處航空交通管制主任、電子工程師同民航事務主任嘅代表，就會由今日起一連3個星期接受港台節目《凝聚香港》直播訪問。民航處目的都好明確，當然係希望更多年輕人對民航處工作有興趣，投身相關工作啦！
每集劇集只有7分鐘，根據港台嘅劇集海報（圖），形容係一套講述民航事務嘅「多元宇宙浪漫故事」，仲寫咗句「只要你夠真心，全個宇宙都會幫你」，至於呢句係點解，相信要睇過套劇先明，因為Emily睇預告片，只見劇中男主角喺控制塔自拍兼扮飛機失事「求救」，被女主角大罵，後來發現二人一早相識，「宇宙」嘅部分相信要睇劇先領略到。
相關字詞﹕民航處