【明報專訊】隨住新冠防疫措施取消，唔少本地藝術創作活動都陸續恢復。停辦一年嘅HKWALLS街頭藝術節本月底復辦，攞正牌將中西區選定牆壁變成藝術品，月底仲會即場「對戰」以牆創作。
中西區揀牆即場「對戰」
有份協辦嘅香港歌德學院話，邀請咗德國街頭藝術團體Innerfields嚟香港，會係2019年之後，首次有國際藝術家來港參與HKWALLS街頭藝術節。
當然，今次塗鴉嘅牆壁事前都經過挑選，主辦單位早前有公開募集「捐贈」牆壁，考慮地點、牆身、參與藝術家及社區因素，等藝術家可以喺上面畫畫。
除咗壁畫創作之外，仲會安排導賞活動及工作坊，同認識嘻哈、捽碟同塗鴉等街頭藝術文化，有興趣朋友唔好錯過。
相關字詞﹕街頭藝術
