【明報專訊】人工智能（AI）聊天機械人ChatGPT掀起熱潮，立法會選委會界別議員林筱魯亦試用，不過AI不但誤認佢係女士，更回應話佢係「一位著名的人權律師和社會活動家」，政治立場傾向自由派和民主派。林筱魯同Emily講番，今次經驗反映AI聊天機械人嘅資訊準確度成疑。
林筱魯噚日喺facebook分享，當問到ChatGPT林筱魯係咩人，獲回答係台灣一名演員、主持人同歌手；當進一步追問「我想搵政治人物～林筱魯」時，ChatGPT雖然正確指出佢係香港立法會議員，但描述佢係民主派政黨成員，林筱魯喺相中打咗格，只見到ChatGPT話佢係為「民X黨」議員。
佢同Emily解釋為免混淆，所以先打格；又認為反映AI聊天機械人未係成熟產品，技術仍處於起步階段。