【明報專訊】民主派前議員毛孟靜（Miss Mo）因初選案被還押，佢嘅老公、資深傳媒人Philip Bowring早前因病一度留醫深切治療部（ICU）。50幾名英國國會議員聯署寫信畀英國外相祁湛明，要求佢向香港當局交涉放人。Emily由多個消息聽聞，Philip近期已經好番好多，已經離開咗ICU。
英國議員喺信中要求英方向港府爭取以酌情理由釋放毛孟靜，等Miss Mo可以探老公；又話因為毛孟靜一家係英國公民、佢本身都曾經係英國公民，認為英國政府應該為佢哋爭取吓。參與聯署嘅英國上議院同下議院議員中，包括前港督彭定康、前外相聶偉敬、保守黨前黨魁施志安、前檢察總長Peter Goldsmith等。
據Emily了解，雖然Philip身體一度抱恙，但Miss Mo並無再申請保釋外出。
相關字詞﹕毛孟靜
