港聞

港聞二

【Emily】特首政策組設KPI? 黃元山話難量化

【明報專訊】黃元山由立法會議員轉任特首政策組組長後,首次去立法會開會。公務員及資助機構員工事務委員會噚日討論特首政策組嘅首長級編制,選委界蘇長荣提到,唔同嘅政府部門都有KPI(關鍵績效指標),問特首政策組會唔會都制定KPI或評估機制,作為考核嘅效能指標。黃元山回應話,特首政策組嘅定位係內部研究機制,為特首制定政策過程提供研究觀點,因此好難量化效能,因為最終嘅研究成果會成為政策嘅一部分,再由政策局諮詢相關嘅持份者。

8席首長級編制 同創新辦一樣

根據特首政策組提交立法會嘅文件,其首長級編制同前政策創新與統籌辦事處一樣,有8個職位。噚日會上有唔止一個議員問到,除咗改名,兩者職能有咩分別。黃元山解釋,特首政策組會從大局觀、國際觀出發,深入研究內地政策發展同國際形勢,並要掌握民情,向特首匯報,亦會協助預備《施政報告》等。

相關字詞﹕黃元山 特首政策組

上 / 下一篇新聞