【Emily】工展會周五開鑼 飲食仍係No 史立德話規模幾近復常「苦盡甘來」

【明報專訊】同上年一樣為期24日嘅工展會後日喺維園開鑼，今屆有426個展商，超過860個戶外攤位同10個主題區，比上年多30個攤位，持「黃碼」嘅人都可以入場。廠商會會長史立德話，工展會嘅規模幾乎回復到疫情前水平，反映社會復常緊，企業信心亦逐步回穩，「係苦盡甘來」。咁場內可唔可以恢復試飲試食呢？佢話同政府傾過，理解政府為咗保障市民，加上近期疫情有回升迹象，最終對場內飲食都係「No」。