【Emily】在囚兩年 黃之鋒引Dear Jane歌詞「我未垮掉」

【明報專訊】前香港眾志秘書長黃之鋒噚日啱啱好在囚兩年，佢嘅facebook專頁噚日出帖文，提及在囚730日以來嘅變化，仲手寫歌星Dear Jane《脫骹的華爾茲》歌詞「我共宇宙說好了 有場舞還未發表 必須公告世間 我未有垮掉」。之鋒形容，在囚期間睇住外間翻天覆地嘅變化，捉摸坊間情緒面貌、理解民情氛圍猶如瞎子摸象，但佢仍希望可以捉緊民間社會嘅脈搏，話有呢個想法係因為唔想脫節，更在乎於覺得公眾認識嘅面孔𠵱家更難看見彼此，需要想方設法拉近同大眾嘅距離。