港聞

港聞二

【Emily】東涌河發現大鱗鰭鰕虎魚 環團調查:下游水質被污染

【明報專訊】環團綠色力量發表最新「東涌河生態及水質調查」結果,共記錄原生淡水魚類66種,當中首次喺東涌河錄得易危物種大鱗鰭鰕虎魚,以及多種具保育價值物種,例如極度瀕危嘅黑疣大壁虎、瀕危嘅盧氏小樹蛙等。不過該組織調查發現,東涌河下游水質較上游差,顯示河水被污染,極需改善。

綠色力量自2018年起,喺香港國際機場環保基金支持下,展開生態及水質調查工作,記錄並監察東涌河物種分佈同水質狀况。最新發表嘅調查涵蓋東涌河中上游至下游嘅河道,包括66種淡水魚、17種爬行類、55種蜻蜓,以及360種植物,包括近危嘅土沉香。

至於首次發現嘅大鱗鰭鰕虎魚,係中國特有品種,只於珠江口一帶水域有紀錄。

調查結果顯示,東涌河下游幾種反映水質指標嘅化學物質,濃度均較上游高,當中石門甲排放口嘅氨氮濃度平均達到每公升8毫克,超出環保署《水污染管制條例》嘅「抽取可飲用水」標準(0.5至1毫克,視乎流量)。綠色力量指隨着未來東涌新市鎮擴展,人口將大增,促當局加強控制和消除污染源,以免影響東涌河生態。

相關字詞﹕東涌河 綠色力量

上 / 下一篇新聞