港聞

港聞二

【Emily】葉劉考察南丫 允跟進石礦場發展計劃

【明報專訊】新民黨主席葉劉淑儀同黨友上周到南丫島索罟灣考察,了解社區面對嘅民生問題。佢又向居民承諾跟進現時被擱置嘅前南丫石礦場發展計劃,土地現時獲批予香港基督教青年會作戶外及環保活動中心,但居民認為應歸還政府作發展用途。

葉太此行獲南丫島南鄉事委員會成員接待。佢指當地社區服務同設施嚴重不足,例如索罟灣只有兩名警察維持治安,健康院每日只有一名護士當值,每星期更只有兩日有駐場醫生,甚至發生過居民失救事件,希望當局改善。

葉太遊覽期間,仲同一條被稱為「白龍皇」嘅3米長大魚標本合照。佢將相片上載至Instagram後引起網民關注,葉太仲同網民交流,有人留言問「姐姐鍾意咁大條?」,葉太喺IG就回覆話「the bigger the better!(愈大愈好)」。

相關字詞﹕南丫島 葉劉淑儀

上 / 下一篇新聞