【明報專訊】保安局長鄧炳強係中大舊生，佢日前趁出席中大開學升旗禮後重遊校園，仲拍埋短片噚日放上facebook，特別提到希望同學好好珍惜在學時光，「慎思明辨，他日為母校爭光」。本身係崇基學院舊生嘅佢，除咗到訪崇基嘅飯堂同學生輔導處，仲去到佢當年所屬嘅舍堂「應林堂」。鄧炳強1987年於社工系畢業，短片中佢憶述昔日經常去嶺南運動場踢波，又會到未圓湖「思考一下」，去到崇基嘅飯堂「眾志堂」，佢提到以前成日喺嗰度流連。之後佢去到已搬至新址嘅學生輔導處同職員交談。 相關字詞﹕中文大學 鄧炳強
