港聞

港聞二

【Emily】書展最後一日 伍淑清拖篋掃貨

【明報專訊】一連7日嘅書展噚日結束,以往唔少人都會趁最後一日去掃平貨,就連今年70幾歲嘅美心集團創辦人伍沾德長女伍淑清(前)噚日都有拖住篋去書展捧場。Emily噚日下午見到佢喺三聯書店嘅攤位睇書,主要喺政治、藝術文化、歷史書嘅攤位徘徊,翻閱唔同嘅書,佢助手從旁幫手捧住佢嘅心頭好,題材橫跨政治、哲學,連詠春都有,包括資深廣告人紀文鳳嘅作品《乜都有哲學》、《香港非遺與葉問詠春——阿樺出拳》等。伍淑清喺三聯書店攤位逗留咗大約15分鐘,買咗至少廿幾本書,有三聯職員將書放入紙箱,方便佢搬走。

上 / 下一篇新聞