港聞

港聞二

【Emily】觀塘避風塘巨型3D畫賀七一

【明報專訊】為慶祝香港特區成立25周年,「九龍東區各界聯會」噚日宣布,會喺6月尾起喺觀塘搞10項慶祝活動,當中包括展示一幅海上巨型3D藝術畫作。畫作由香港藝術家黃俊飛團隊創作,長闊高分別為30米、10米及11米,約為天星小輪大小;大會吉祥物、母子「咚咚龍」將躍然海上。主辦單位租用咗48隻貨櫃去安裝呢幅畫作,到時會固定喺一首躉船上,喺觀塘海濱花園對出觀塘避風塘畀市民打卡。

6月29號到7月3號,佢哋仲會派出「東龍號」舉辦免費導賞團,接載市民近距離欣賞呢個畫作同遊維港。東聯會長李誌峰話,希望畫作可以帶畀香港人無盡嘅驚喜同喜悅。觀塘區議會主席柯創盛話,希望透過今次活動,同時畀大眾認識到觀塘區已經轉型,從以往嘅工業舊區蛻變。

「藝術有理」展品今添馬登場

同樣為咗慶回歸,康文署邀請多個本地藝術家合作搞「藝術@維港」戶外藝術計劃,包括今日起開放、喺添馬公園展出嘅「香港賽馬會呈獻系列:藝術有理」展覽,以藝術體驗為維港兩岸注入新動力。

上 / 下一篇新聞