港聞

港聞二

【Emily】贊助港緬甸商會活動 港府捲風波

【明報專訊】緬甸軍方政府同反軍政府部隊嘅衝突持續,呢個時候傳出香港政府因為贊助活動喺緬甸捲入公關事件,被緬甸當地人權組織點名批評撐親軍方商家,活動之後亦要延期,到底所為何事?

根據Emily了解同傳媒報道,香港緬甸工商協會同幾個商會喺緬甸仰光本來於月初舉辦一個酒會,順便慶回歸;據報喺一間位於仰光、同軍方關係密切嘅酒店舉行,香港駐曼谷經貿辦贊助呢場酒會。間酒店同所在地皮嘅地主都被美國等西方國家制裁,當地人權組織Justice for Myanmar譴責安排,其發言人叫港府行動,阻止香港企業,唔好為軍政府提供資金。

活動租撐軍政府酒店捱批 駐曼谷經貿辦:選址主辦方定

香港駐曼谷經貿辦回覆Emily查詢時就話,活動選址及活動延期舉行,係主辦單位決定。經貿辦解釋,活動由東盟地區嘅商會聯合交流會舉辦,而駐曼谷經貿辦獲邀贊助該活動。經貿辦又話,商會聯絡屬正常商務活動,旨在促進企業之間嘅交流同發展。

上 / 下一篇新聞