【Emily】推病人上斜睇急症 醫護不負「重」任

【明報專訊】第五波疫情終於稍為回落，上月疫情高峰時，唔少市民叫唔到白車同預約唔到指定診所，但其實前線醫護一直好勞碌咁照顧病人。醫管局噚日喺facebook發文話，貝夫人普通科門診診所嘅指定診所，高峰期每人每小時要接超過60個電話，但同事依然好細心聽，資深護師林嘉琪上月中就接到一個病人來電，當時隔住電話聽到患者咳嗽同氣促，十分在意，於是安排佢即日診症。