港聞

港聞二

【Emily】論北都 劉國勳江玉歡隔空過招

【明報專訊】新一屆立法會議員上任冇耐,選委會界別江玉歡(Doreen)同民建聯劉國勳就已經「隔空過招」,辯論北部都會區。話說Doreen噚日喺《星島日報》訪問中,批評特首林鄭月娥提出嘅北部都會區計劃構想「離地」,冇考慮市民返工放工嘅交通不便,亦冇足夠誘因令企業同專才願意搬入去,「我就唔會搬入去」。

劉國勳一直力推北部都會區計劃,佢喺facebook回應個訪問,話Doreen或者對都會區未有全面了解,「江律師與官員過去的思維一樣,認為新界北是邊境地方」,邀請Doreen親身到新界北視察。

江:冇話唔支持 唔使咁大反應

Doreen同Emily講,話劉國勳「睇錯啫」,自己冇話唔支持北部都會區,只係對初步計劃有保留,反問「莫非唔可以提意見?」佢希望新一屆議會多啲良性互動,少啲個人攻擊,叫劉國勳下次先同佢傾吓,唔使反應咁大。

上 / 下一篇新聞