港聞

港聞二

【Emily】謝偉俊捉田北辰著波鞋開會 田:主席批准著同款黑色

【明報專訊】立法會周三嘅大會同噚日嘅內會、財會,Emily喺立法會都見到田北辰著住對米色運動鞋,但明明上屆立法會已修改《議事規則》,議員出席會議時要著商務衣飾,而根據立法會指引,運動鞋屬於「不恰當」衣飾。上屆議事規則委員會主席謝偉俊噚日喺facebook發帖,話立法會係辯論政策嘅地方,但田北辰嗰對係唔係「波鞋」,就毋須花時間辯論,仲「善意建議」田北辰留番開會以外嘅地方著。

田:自己腳型好難搵啱鞋

睇番立法會指引,主席可以就議員衣著行使酌情權。噚日Emily再問田北辰,佢話主席梁君彥已經批准咗,之後佢可著同款黑色鞋,仲話佢嘅腳型好難搵到適合鞋款,𠵱家著嗰款係全香港最舒服嘅鞋,仲買咗6隻色配襯。

Emily上網睇過,田北辰對鞋係瑞士牌子「On」,2010年創立,創辦人之一仲係前三項鐵人賽運動員呢。

上 / 下一篇新聞