港聞

港聞二

【Emily】陳日君90歲生日 盼沒一刻辜負主

【明報專訊】天主教香港教區榮休主教陳日君樞機噚日90歲生日,佢facebook上載咗同天主教香港教區主教周守仁、宗座署理湯漢樞機,以及輔理主教夏志誠一齊切蛋糕嘅相片。相中見到陳樞機身穿厚外套,面露笑容。

陳日君樞機1932年喺上海出世,16歲來港入讀慈幼會修院,2002年起擔任天主教香港教區主教,直至2009年退休。佢喺facebook感謝香港教區嘅祝賀,另外寫道,「感謝天主賜我生命,賜我慈幼會聖召,成為神父,服侍天主、為青年、為你們服務」。佢又表示,多年來不斷反躬自省,自問有否做好天主畀佢嘅計劃,希望自己無一刻辜負過天主。立法會前議員張超雄、佔中發起人之一嘅中大社會學系前副教授陳健民等,都有喺陳日君嘅facebook留言送上祝福。

上 / 下一篇新聞