港聞

港聞二

【Emily】雖無打呔 謝偉俊自稱議會COLLAR族

【明報專訊】前日(12日)嘅立法會特首答問會,事後都有一啲花生話題。上屆立法會已修改《議事規則》,要求議員出席會議時要著商務服飾,但周三大會有幾個男議員無打呔,包括謝偉俊(Paul)。Paul就解釋,規則無要求員打呔,但著背心汗衣就梗係唔得喇。Paul仲抽吓水,話「聽講最近有8個COLLAR(8人新女團COLLAR)」,而佢哋唔打呔都係「COLLAR一族」,但梗係唔係「政界女團」。

江玉歡盼林鄭答問會答覆盡量簡短

周三答問會原定個半鐘,結果逾兩個鐘先完場,原因包括大家對答時間較長,其間主席梁君彥已數度提醒議員及特首林鄭月娥發言要精簡。選委會界別江玉歡喺網上上載當日各人發言時間統計,見到林太開場發言用咗近27分鐘,提問議員普遍都係用咗一兩分鐘發問,自由黨張宇人發問就用咗3分鐘。林太最初回應議員時都幾長,例如答陳凱欣就講咗11分17秒。

江玉歡話,當日約70名出席議員中,約50人按咗鐘想提問,最後有17人問到,而佢新人手腳慢,遲咗按鐘,結果問唔到;佢又希望特首日後喺答問會嘅答覆能「簡短精要」。

相關字詞﹕江玉歡 謝偉俊 答問大會

上 / 下一篇新聞