港聞

港聞二

【Emily】信件內容遭指有問題 快必話被「照肺」

【明報專訊】人民力量副主席譚得志(快必)被控發表煽動文字等罪,已經還押近500日。其facebook前日更新快必近况,話佢寫出嚟嘅信,有幾封去咗「冥王星」,獄中保安組「好體貼、好有交帶」,其中一封信因為內容問題被「打回頭」,而快必亦因為信中內容被「照肺」。

話好多嘢唔寫得 包括國安法

快必形容,職員都「好苦口婆心嘅」,有同佢解釋番有以下內容,唔可以寫、唔可以寄出去,包括:人哋嘅嘢、抗爭嘢、國安法,「讚國安法都唔得㗎喎,真係唔明個邏輯」。咁親友都關心到「照肺」會唔會有後遺症?快必話大家都心平氣和,「OK嘅」;快必引述職員叫佢睇吓其他「政治犯」,「個個都好乖呀,乜都冇寫㗎」。

不過,快必有啲惆悵咁同屋企人講:「咁,我仲可以寫啲乜呢?不如直頭叫我唔好寫信啦!又或者恢復死刑吖,咁咪可以確保大家唔講嘢又唔寫嘢囉。」快必話自己寫嘅嘢只係新聞嚟,反問「新聞都唔寫得?」

快必質疑:「今日呢樣唔寫得、聽日又再加多樣、後日又再加多幾樣,『禁』寫嘅list咪愈嚟愈長?」

上 / 下一篇新聞