港聞

港聞二

【Emily】有部門不符WFH條件 公僕嘆條件辣

【明報專訊】疫情嚴峻,特首周二(11日)宣布不屬核心抗疫嘅公務員可在家工作(WFH),公務員事務局同日向部門發通告,由今日起至下月4日期間,部門可以按運作情况安排部分員工WFH。不過噚日唔少部門嘅公務員都相繼話,部門因不符政府要求,唔能夠實行在家工作安排。Emily收到疑是康文署向員工發出嘅通告,話要符合多項條件先可安排WFH,包括「同事必須能有效及有意義地在家執行職務」、「同事在家時也能保持一貫的工作表現、質素及質量等」,話仔細考慮公務員局嘅指引後,認為現階段WFH嘅安排不適用於大部分員工。

局方:允未能在家履職者WFH違原意

公務員事務局解釋,唔同部門提供嘅服務、員工職責同工作性質都唔同,如部門容許未能有效在家履行職責嘅員工唔需要返辦公室工作,即等同讓相關員工放取額外有薪假期,除咗影響公共服務外,既非容許員工在家工作原意,亦不切合社會對公職人員嘅期望。

有公務員向Emily批評,所謂WFH政策名存實亡,「根本就唔想做,就開啲咁辣嘅條件出嚟搞到實質上做唔到,但可扮有嚟𧨾啲私人公司做」。

上 / 下一篇新聞