港聞

港聞二

【Emily】報道指陳馮富珍組班選特首

【明報專訊】世界衛生組織前總幹事、全國政協常委陳馮富珍(圖)被視為特首「黑馬」,近日有報道指佢有意問鼎特首。《英文虎報》噚日引述其姊妹報刊《東周刊》,話陳馮富珍獲前特首、全國政協副主席董建華成立嘅「團結香港基金」支持,並引述有消息人士稱,有中間人近日四出接觸人才,為陳太埋班而請佢哋提交履歷。

團結香港基金喺本月7日,原本有一個由陳馮富珍主講嘅「中華大講堂」,主題為「提升全球健康 造福世界人民」,但因疫情而要延期。陳太係選委,上月19日立法會選舉,佢到會展投票後見記者形容新選舉制度有三利,包括有利香港民主制度穩步向前、有利香港全面落實一國兩制,有記者問佢會唔會選特首,佢就唔答。

陳馮富珍本身係醫生,曾任本港衛生署長,任內於2003年處理過SARS疫情;2006年獲國家推薦角逐世衛總幹事一職並當選,成為首名擔任世衛總幹事嘅香港人。1997年本港爆發禽流感,時任衛生署長嘅佢初期仲向公眾派定心丸,話「我日日都食雞」。

相關字詞﹕林鄭月娥 特首選舉 特首選舉2022 陳馮富珍

上 / 下一篇新聞