港聞

港聞二

【Emily】龍鳳胎繪畫 譚文豪餐廳賣利市封

【明報專訊】正因「35+初選案」還押嘅立法會前議員譚文豪,其一對7歲龍鳳胎親手繪製咗兩款利市封,由譚有份開設嘅餐廳「一日三餐」推出發售,預祝大家虎年快樂。「一日三餐」facebook專頁上載咗兩個小朋友手持利市封嘅合照,Emily見到佢哋穿上賀年服飾,又做出「心」形手勢(圖)。

一對龍鳳胎畫嘅利市封各有不同,家姐嘅作品印上「平安喜樂」,有一隻身穿粉紅裙嘅小兔,旁邊有兩個小朋友,仲有幾盞花燈,背面係幾朵桃花。細佬嘅作品就印上「大吉大利」,正面畫咗一盆桔,利市封背面有3隻正在賞桃花嘅恐龍。

兩款利市封以套裝形式發售,分別可以喺「一日三餐」或網店「好生活」購買,一套售價為78元。

上 / 下一篇新聞