港聞

港聞二

【Emily】上周強調問責 江玉歡昨稱「啫住」無助抗疫

【明報專訊】近日社會熱議洪為民生日宴,選委會界別議員江玉歡(Doreen)話留意到,有市民關注防疫規定同罰則,於是喺facebook上載懶人包,希望大家了解清楚,小心守法。Doreen同Emily講,無意針對任何人,只係希望提醒所有人都要守法,但佢未必會喺議會好落力跟進生日宴責任,解釋有更迫切嘅議題處理,認為「啫住」事件無助香港脫離疫情。

出懶人包提防疫規定罰則

Doreen話與其罵赴宴者,不如齊心抗疫。但Emily發現佢上周仍喺fb發文,話若違反防疫規定嘅主要官員唔使問責,問責制度形同虛設,事隔不足一周就轉立場?Doreen解釋唔係立場有變,「講就講咗……chur落去無意義」,應該信得過特首林鄭月娥調查。Doreen呼籲大家向前行,齊心走出疫情,散發正能量。

Doreen製作嘅懶人包圖文並茂,其中「餐飲場所」一項,列明餐飲業務負責人須遵照食衛局長指示嘅運作模式,進入或身處餐飲業務處所嘅人亦須遵從指示,後者如違反指示或提供虛假、誤導嘅紀錄,最高可被罰款1萬元。

上 / 下一篇新聞