港聞

港聞二

【Emily】立會網頁換新裝 分3主欄增功能

【明報專訊】立法會選舉制度改咗、議員人數多咗、議事廳增掛國徽,立法會網站噚日都換咗「新look」,版面精簡咗好多,少咗密麻麻嘅字。秘書處噚日話,新網頁重新整理過啲資料,並新增多個選單,公眾可即時查閱各種資訊。月初啱啱開facebook專頁嘅立法會主席梁君彥,即刻上載自己率先試用新網頁嘅相,仲話換新裝嘅立法會網站係為方便公眾更緊貼議會事務同議員動態。

Emily睇過新網頁,首頁分咗立法會會議、委員會同議員辦公平台3個主要欄目,右上角嘅搜尋位置新增咗個小功能,可以按議員、委員會、法案等分類搜尋;其網絡平台如YouTube同Flickr相簿,標示都放喺較當眼嘅位置。

冇人競爭 內會財會主席「冧莊」

另外,立法會秘書處話,喺2022年會期內,內務委員會同財務委員會嘅正副主席職位提名期噚日結束,由於冇人競爭,兩個委員會嘅正副主席都「冧莊」,內會主席同副主席分別係李慧琼同馬逢國連任,財委會正副主席就繼續係陳健波同陳振英。

相關字詞﹕梁君彥 立法會

上 / 下一篇新聞