港聞

港聞二

【Emily】立會議員相繼開設 陳紹雄暫跑出 fb專頁新丁 「讚好」最多近百

【明報專訊】據了解,中聯辦早前要求新任立法會議員要「貼地」,其中包括開設社交媒體專頁。Emily近日發現,多名議員陸續開設facebook專頁,包括自由黨航運交通界議員易志明、醫療衛生界林哲玄、商界(三)嚴剛和選委會界別議員陳紹雄。當中網民「讚好」同「追蹤」數字成績最好嘅暫時係陳紹雄,佢上周五(7日)開專頁,至噚日累積分別有近百個讚好和追蹤,專頁內容包括分享佢喺媒體嘅專訪,以及就「智慧生活」提出嘅政策建議。

易志明自2012年起當選,本月初先開fb專頁,主要分享工作同佢接受傳媒嘅訪問。Emily噚日所見,其專頁開設至今一星期只有個位數字讚好。至於新當選嘅林哲玄就喺上月底開fb專頁,至近日先開始更新,主要分享佢對疫情嘅意見同政策主張,有約40人分別讚好同追蹤。

作風相對低調嘅嚴剛亦喺上周五開咗專頁,除咗講工作,亦趁噚日(10日)「臘八節」送上祝福,祝願香港同內地盡快克服疫情、早日通關,希望受影響港人可同身處內地嘅家人快啲團圓。嚴剛個fb專頁有逾60人讚好、逾70人追蹤。

相關字詞﹕社交媒體 立法會議員 中聯辦

上 / 下一篇新聞