港聞

港聞二

警涉嘲諷違泊外賣員 投訴課跟進

【明報專訊】網上熱傳一條約3分鐘短片,片中電單車外賣員在觀塘疑因不滿違泊被抄牌,與警對罵,其間交通警稱:「你得嘅,你做咗警察啦,使乜做外賣呀?」警方證實投訴警察課已收到相關投訴。

抄牌釀口角 警:你得嘅,使乜做外賣?

警方表示,前日(9日)下午約6時許巡經觀塘翠屏道,發現一輛電單車違例停泊路邊,遂向男司機發出定額罰款通知書,其間男司機與警員爭執。投訴警察課已接獲相關投訴,會按既定程序,公平公正處理。警方強調,一向重視人員操守及紀律,亦有嚴謹守則規管其言行。警方會提醒人員時刻注意言行及提升專業敏感度,以維持警隊的專業形象。

片段顯示,外賣員被抄牌後說:「好心啦,唔係咁樣做人、咁樣做嘢㗎。」交通警員再大聲回應:「你唔係警察,我係呀!我唔使你教我做嘢呀!你得嘅,你做咗警察啦,使乜做外賣呀?」外賣員亦大聲回應:「唔好意思,我本身唔係諗住做外賣,如果唔係疫情嘅話,我做緊Manager㗎。」警員稱「咁係你問題,唔係我問題」,外賣員說:「唔好意思呀,做外賣唔係好差㗎咋。」警員回應:「唔知呀,起碼唔使𦧲先呀,320元……你使乜𦧲啫!」其間另一名警員輕拍外賣員,其他市民亦在旁勸阻,雙方爭執數分鐘後,外賣員駕車離開。

上 / 下一篇新聞