港聞

港聞二

【Emily】憶亡妻 盧偉國照舊買年花

【明報專訊】距離農曆新年尚有3個星期,經民聯主席盧偉國上周六喺facebook發文,話去大埔林村相熟嘅農場揀桃花,準備迎接虎年。盧偉國話以往每年呢個時候,都會同太太Adelina(黃少珍)一齊揀桃花,連檔主都成為咗朋友,但今年太太未能同來,因為Adelina喺5個月前已經返咗去天家。

盧偉國憶述同老婆揀桃花心得,就係要留意底部橫枝,如果多花蕾,桃花一定開得茂盛。「人面不知何處去,桃花依舊笑春風」,佢話憶起忘妻難免傷感,「但我相信先室在天之靈,也樂見家中桃花燦爛,家人春節共聚的情景」。辭舊迎新之際,盧偉國話喺Omicron威脅下,市民難以安心,但願疫情盡快受控,陰霾消散,唔會影響春節市道。

相關字詞﹕農曆新年 年花 盧偉國

上 / 下一篇新聞