港聞

港聞二

【Emily】網傳林鄭秘書去「洪門宴」 特首辦澄清fake news

【明報專訊】全國人代洪為民生日派對事件未平息。網上流傳一圈子宴會「名單」,仲流傳行政長官私人秘書劉家麒喺名單上,而建制圈子有人藉此做話題,話點解特首林鄭月娥批評民政局長徐英偉,但又唔管自己辦公室下屬。不過,特首辦已澄清劉家麒冇去派對,即呢單嘢係fake news。

徐英偉噚日喺facebook再出帖,話對事件感非常抱歉,「愧對市民大眾對我的信任和期望」。唔少政圈嘅人留言,其民建聯黨友、立法會議員鄭泳舜話,「你一向是一個盡責的局長,以後一定要更加注意」。另一黨友陳恒鑌就話:「徐局長一直盡心盡力,是個不可多得的好官員,加油!」

不過,唔少留言都鬧徐英偉,前民主派區議員林兆彬就叫佢辭職。林又揶揄徐,因為徐話喺竹篙灣隔離期間睇文件,林兆彬指林鄭已指示所有相關官員不宜喺檢疫期間履行職務,「你批閱咩文件啊?公務員事務局局長聶德權已兼任民政事務局局長喎!究竟邊個講緊大話??」

相關字詞﹕區議員宣誓 區議員辭職 區議員

上 / 下一篇新聞