港聞

港聞二

【Emily】區議員加薪 泛民建制:無關宣誓

【明報專訊】政府日前公布調升區議員薪酬2.5%,其中區議員月薪由35,000元加到35,880元,至於區議會正副主席嘅月薪,就分別由7萬元及52,500元,加到71,760元及53,820元。區議員開設辦事處實報實銷嘅「營運開支償還款額」,亦由每年約55.4萬元增至約56.8萬元;雜項開支津貼就由每月7,920元增至8,120元。翻查資料,2021年初政府曾調低區議員薪酬約0.2%。

冼卓嵐:選區外開議辦津貼唔夠

建制派同民主派嘅區議員都同Emily講,今次只係按正常機制,根據通脹幅度調整薪津,相信同之前區議員宣誓無關。屬建制派嘅灣仔區議會主席黃宏泰話,相信區議員都唔會太在意薪酬高低。沙田區議會副主席、民主黨冼卓嵐就話,現時大量區議會議席懸空,如果需要服務其他已無區議員嘅選區,投放資源一定有增加,當局提供嘅辦事處開支津貼根本唔足夠。佢希望當局考慮若區議員喺自己選區外開設辦事處,可提供額外津貼。

相關字詞﹕洪為民生日派對 徐英偉

上 / 下一篇新聞