港聞

港聞二

【Emily】莫乃光做史丹福旗下中心訪問學者

【明報專訊】泛民議員辭任後各有動向,其中立法會資訊科技界前議員莫乃光本月就加盟美國史丹福大學旗下嘅「全球數位政策育成中心」(Global Digital Policy Incubator)」擔任訪問學者(visiting scholar),機構使命係透過推動政策及管治創新,加強民主價值、普世人權,同埋數位領域嘅法治。

中心來頭唔小,首席投資人就係新民黨主席葉劉淑儀嘅碩士論文指導老師、民主理論大師戴雅門(Larry Diamond),行政總裁係曾任美國駐聯合國人權理事會代表嘅史丹福大學客座教授Eileen Donahoe,佢亦曾受美國總統拜登邀請,喺上月舉行嘅民主峰會,就應對數位極權主義及民主價值等範疇發言。

中心簡介莫為人權民主捍衛者

據中心網站簡介,莫乃光擔任香港立法會議員期間,喺私隱、公開數據、表達及資訊自由、網絡安全、人權及民主方面都係捍衛者,前年11月辭任立法會後,成立咗 「Tech for Good Asia」組織,運用數位科技促進區域商業和公民社會。莫乃光嘅facebook顯示佢嘅定位喺英國,Emily去年底都問過佢係咪已移居英國,佢話無補充。

相關字詞﹕史丹福大學 民主 莫乃光

上 / 下一篇新聞