港聞

港聞二

【Emily】議廳開工掛國徽 梁君彥:更莊嚴

【明報專訊】原本立法會會議廳只掛有區徽,立法會主席梁君彥同上屆內會主席、民建聯李慧琼及副主席馬逢國早前話經諮詢「有關方面」,決定會議廳日後都會掛上國徽,並懸掛喺區徽上方。梁君彥噚日同立法會秘書長陳維安到會議廳視察會議廳懸掛國徽同區徽嘅工程進度,佢話「為第七屆立法會首次會議做好準備。有了國徽,會議廳將更為莊嚴!」

早前立法會秘書處交代,預料有關工程下周三(12日)召開首次大會前完成。而梁君彥之前形容,「我做主席,背面有個國徽照住我,我都會信心大啲啦」。

立法會喺周一(3日)舉行咗立法會議員宣誓儀式,因應《國旗及國徽條例》,會議廳當時已將原本掛區徽嘅位置換上國徽。根據梁君彥噚日喺facebook上載嘅照片,會議廳架起高台,牆上有用膠帶貼出嘅位置標記,工程人員正移動國徽。

相關字詞﹕立法會大樓 梁君彥 國徽

上 / 下一篇新聞