港聞

港聞二

【Emily】17立會議員報稱「博士」 涉12新丁 梁子穎「游泳教師證書」列CV

【明報專訊】新一屆立法會會期即將展開,立法會網站上載新一屆90名議員嘅履歷。Emily統計過,有17人報稱擁有「博士」名銜,當中5個屬「舊人」,包括立法會主席梁君彥、經民聯梁美芬及盧偉國、新民黨容海恩,以及何君堯。何君堯上屆曾被網民質疑佢喺英國州瑪高等教育學院(Chelmer Institute of Higher Education,現為安格里亞魯斯金大學)嘅法律學士學位只係專上教育文憑,佢嘅最新履歷未有提及相關學位。何申報學歷包括中國政法大學頒授「法學名譽博士學位」。

另外,工聯會梁子穎喺專業資格一欄,報稱獲游泳教師證書同教練證書,並擁有業餘田徑總會一級教練證書。

6人沒提學歷 包括葛珮帆

12名新丁議員報稱擁有「博士」學歷。其中工聯會吳秋北報稱「中國社會科學院文藝學博士」,睇番資料,中國社科院文藝學科屬於文學系之下,係文學研究其中一個範疇。

報稱擁有「榮譽法學博士學位」嘅民建聯黃英豪、「經濟學博士」嘅選委會界別譚岳衡,都未有喺履歷列明其博士學位喺邊間大學取得。有6名議員冇提供任何學歷資料,包括選委會界別嘅葛珮帆、李鎮強、蘇長荣、陳家珮,金融服務界李惟宏,以及教育界朱國強。

上 / 下一篇新聞