港聞

港聞二

【Emily】虎年郵票迎新歲

【明報專訊】香港郵政1月18號推出「歲次壬寅(虎年)」郵票,呢款郵票一套4枚,印有絨毛虎玩偶、瓷製福虎、陶製福虎及紙雕福虎,設計精緻可愛,寓意虎年大吉;同時推出嘅郵票小型張,上面嘅瓷虎公仔戴住刺繡虎頭帽,據說係中國傳統中用嚟表達對孩子健康成長嘅期望,疫情下更有意思。

另外,「心思心意郵票」小版張、絲綢郵票小型張,同埋「健牛福虎」十二生肖金銀郵票小型張都會一次過推出,健牛與福虎成雙成對,面值各50元。「歲次壬寅(虎年)」首日封同「健牛福虎」正式紀念封即日起喺郵政局有售,其他相關郵品就要到18號先買到。

(政府新聞處)

相關字詞﹕集郵 香港郵政 郵票 新春

上 / 下一篇新聞