港聞

港聞二

【Emily】尹兆堅賣利市封籌訟費

【明報專訊】因去年六四非法集結案罪成正在服刑嘅民主黨尹兆堅,其團隊趁農曆新年前夕,推出利市封套裝畀公眾訂購,講明售賣利市封所得嘅全部利潤,都會用嚟支援阿尹喺其他案件嘅法律訟費。目前阿尹仍要面對包括民主派「35+初選案」被控串謀顛覆國家政權罪在內等多宗案件。

利市封一共有3款,有唔同顏色,上面分別印有「祝你在亂流下平安」、「堅祝福」同「堅守信念」字樣,即日起接受訂購,本周三(5日)開始亦會喺實體銷售點發售,售價分4種,由88元至188元不等。

上 / 下一篇新聞