港聞

港聞二

【Emily】自修室3至5月延長開放 多數要憑證入座

【明報專訊】2022年中學文憑考試舉行在即,康文署噚日宣布,公共圖書館學生自修室會喺3月1日至5月31日延長開放時間,其中喺3月1日至5月7日使用自修室要憑證入座,市民即日起可以親身或以郵遞方式申請入座證,每人只可遞交一份申請表,同埋只能選擇上午、下午或晚上其中一個時段。另外,因應新冠疫情,康文署將會調整自修室座位數目,控制在場人數。

入座證截止申請日期為1月30日,結果會喺2月21日起張貼於公共圖書館告示板,公開考試同專業考試考生可獲優先分配座位。自修室分為3個入座時段,分別為早上8點至下晝12點半,下晝12點45分至5點15分,下晝5點半至晚上10點(逢周一至五);星期六、日及公眾假期就只開到晚上9點半。

上 / 下一篇新聞