港聞

港聞二

【Emily】鍾庭耀自認「中國香港世界人」

【明報專訊】香港民意研究所總監鍾庭耀喺facebook專頁「鍾言亦議」發帖,題為「我的新年願望」,佢話半年前撰文寫咗5個100,今次要寫1個111;由2022年減去1911年,111年前嘅辛亥革命開始講起,到五四運動。佢喺文末自言,「我是中國香港世界人,認同感三合一」,新年願望係從3個唔同層次發揚科學和民主精神,為苦難嘅年代尋找出路。佢話:「調查顯示,一成八香港人沒有新年願望,我不屬於這個類別。」

鍾庭耀話,冇1911年嘅辛亥革命,就冇1919年嘅五四運動,亦沒有整個民族啟蒙運動。佢形容「一也者,萬物之本也」,如果將3個「1」連成一起,可能寓意會有3個新開始。佢話,啟蒙運動嘅骨幹係「五四精神」,係「德先生」(民主)和「賽先生」(科學),話今年要高舉科學同民主嘅旗幟,喺3個不同層面為苦難嘅世界、國家、民族和社會燃點起新希望。

相關字詞﹕香港民意研究所 鍾庭耀

上 / 下一篇新聞