港聞

港聞二

【Emily】太古「城市農圃」蔬菜捐食物銀行

【明報專訊】太古地產喺太古坊德宏大廈、港島東中心、東涌東薈城一座同黃竹坑South Island Place,「開墾」咗4個名為「The Loop」嘅城市農圃。原來喺早前聖誕,4個城市農圃大豐收,羅勒、紅菜頭、羽衣甘藍、生菜和白蘿蔔等蔬菜有80幾公斤收成。太古地產將呢啲新鮮蔬菜捐畀本地食物銀行「樂餉社」,將收成與有需要嘅人分享。

太古地產早於2017年喺太古坊德宏大廈「The Loop」啟用第一個城市農圃(圖),𠵱家位於港島東中心嘅城市農圃更位處高達300米,係全港最高嘅城市農圃。太古地產話,4個The Loop今年收成甚豐,共種植咗55種蔬菜,合共近250公斤,感謝合作伙伴——社企「雲耕一族」以及租戶亞特拉斯航空、博立貨運航空、畢馬威會計師事務所及星展銀行(香港)嘅努力「耕耘」。

相關字詞﹕聖誕節 食物銀行 太古地產

上 / 下一篇新聞