港聞

港聞二

【Emily】戴耀廷開心何俊仁尹兆堅受洗

【明報專訊】因「35+初選案」被還押嘅港大法律學院前副教授戴耀廷係基督徒,據噚日探過佢嘅屯門前區議員朱順雅透露,戴耀廷好開心何俊仁同尹兆堅等都接受領洗,又透露自己隔日跑步3至4公里、每日做拉筋伸展同HIIT(高強度間歇訓練)有氧運動,體能狀况唔錯,唔使工作時主要讀神學書籍、祈禱、靈修,好高興呢幾個月多咗好多同神相處嘅時間。

朱順雅同日亦探望因初選案還押嘅林卓廷,引述阿廷話試過幾次「放風」,離遠見到仁哥喺球場上急步行、耍太極;雖然無法交談,但睇上去仁哥精神唔錯。

阿尹畫生日卡送子女

而喺聖誕節領洗嘅尹兆堅,其facebook專頁上載阿尹最新獄中書,透露囡囡12月28日生日、囝囝1月5日生日,過往從未缺席過子女生日會嘅佢,今年要缺席。佢話知道仔女都好生性,不但冇懷憂喪志,反而努力讀書,仲有優異成績,形容有呢兩個仔女係莫大福氣,希望仔女原諒佢呢個不稱職嘅爸爸,仲親手畫咗生日卡遙寄祝福。

上 / 下一篇新聞