港聞

港聞二

【Emily】譚凱邦獄中願望:晚上一杯暖水

【明報專訊】聖誕節過後,天氣轉冷,民主派立選「35+初選案」被告之一譚凱邦(Roy)正身在獄中,佢話一杯暖水已是最好嘅聖誕禮物。噚日boxing day,荃灣前區議員潘朗聰早上去探望阿Roy,引述對方話獄中嘅日間活動室有暖水供應,但夜晚臨入囚室前就冇得再斟暖水。阿Roy話雖然囚室內有被氈,勉強夠保暖,但如果有多一杯暖水供應,「在囚室內過夜可以保暖好多,幫他們渡過寒夜」。

今日氣溫預測最低降至9℃,潘朗聰噚日探監時問阿Roy夠唔夠暖,阿Roy用工錢買咗個保溫杯,但晚上臨入囚室前就冇熱水提供,佢希望懲教署改善安排。 Emily問及阿Roy情况,潘朗聰話佢精神還好,喺赤柱監獄可以同囚友一齊踢波。

另外,前支聯會主席李卓人喺監獄服刑,佢前日透過facebook發布聖誕感言。人哥一直關注勞工權益,即使身在獄中亦唔例外,佢關心foodpanda員工服務費被削減,以及最低工資被凍結,今年佢冇聖誕大餐亦冇子夜彌撒,「就為自己、為家人、為朋友、為世界祈禱,一樣能過有意義的聖誕」,話相信自由會戰勝歸來。

上 / 下一篇新聞