港聞

港聞二

【Emily】老公冧林琳 參選甫士圖印紅酒

【明報專訊】立法會選舉後,唔少當選人都趁假期回氣休息,陪家人過節。喺選委會界別當選嘅民建聯林琳,就收到老公送嘅聖誕禮物,係兩支特別版紅酒,樽面設計係林琳出席選舉論壇、高舉左手嘅相片圖案,仲印住「新局面 新氣象 新未來」字句。自言無咩情趣嘅林琳話,早排選舉工作攰到死,12月初結婚3周年都無慶祝,今年聖誕節亦無買禮物畀老公,但收到老公呢份禮物都幾好笑,唔捨得開支酒嚟飲。

林琳喺boxing day於facebook曬呢份禮物,佢同Emily講一向無乜儀式感,月初結婚紀念日都掛住去選舉論壇, 反而工人姐姐提佢係紀念日。林琳話同老公幾多號開始拍拖、求婚嗰啲全部唔記得,試過記錯老公生日,講笑話老公已「放棄治療」。

吳秋北boxing day再念毛主席

聖誕佳節,唔少政界人士都向大家送上祝福,包括前特首梁振英,佢除咗關注流亡海外嘅羅冠聰邊度有錢買聖誕樹之外,都有祝香港平平安安,大家聖誕快樂。

工聯會會長吳秋北連續兩年喺boxing day懷念已故中共領導人毛澤東,話「毛主席誕辰,萬民緬懷!」佢又話,「香港落實完善了選舉制度,民主新發展」,仲借用毛主席作品《沁園春.雪》中「數風流人物,還看今朝」,話「人民才是今朝的風流人物!」。

上 / 下一篇新聞