港聞

港聞二

燒味雙拼「離題」 版規禁貼

【明報專訊】兩餸飯店前,配搭任由買飯者挑選,不受限制,可選潤腸配咕嚕肉,又可選麻婆豆腐配炸多春魚。不過,在香港兩餸飯關注組則對於兩餸飯定義有限制,更有「版規」,其中一點是「禁貼燒味飯」,「有人會拗點解覺得抵都唔可以放上嚟,但燒味雙拼真係好離題!」

香港兩餸飯關注組版主Andrew說,開了關注組不久,觀察到組員開始對彼此帖文有要求,「起初我訂規則,要求有地方名,起碼要講地點」。關注組於10月中的人數突然升至2萬,原來源自一個「離題貼」:「有個雙拼燒味post(帖文)好多人睇,有人拗話覺得好抵,都係慳錢啫。然後又會有人問,點解要浪費時間為兩餸飯落定義?我自己覺得,如果發現有人喺屋企煮兩餸,或者茶餐廳叫兩餸,呢啲明顯唔係啊!」

有人貼KFC雞翼葡撻被舉報

另一經典違規例子是有網民把KFC的雞翼、葡撻加飯貼上群組,結果被舉報,Andrew截下該圖,「有一次見到組內好多人拗,我放呢個cap(截)圖上去,話,大家日日都好勞氣,不如攞個大家嘅話題,大家笑下啦」。

相關字詞﹕兩餸飯

上 / 下一篇新聞