港聞

港聞二

【Emily】港區天主教聖公會聖誕文告 周守仁:多陪所愛 陳謳明:尋復和之道

【明報專訊】聽日就係聖誕節,天主教香港教區主教周守仁任內首次發表聖誕文告,希望大家多畀時間陪伴所愛嘅人。同樣係首次發表任內聖誕文告嘅聖公會教省主教長陳謳明就呼籲社會以至世界尋找復和之道。

周守仁話疫情好似睇唔到盡頭,更出現Omicron變種,國際仍採取嚴謹嘅限制措施,甚或封關,若今年要以歡度俗世節日嘅方式慶祝聖誕,當然唔容易,呼籲大家陪伴有需要嘅人,可以係自己鍾愛嘅人、特別係年輕人,以及無助、孤獨、失意嘅人等。

陳謳明就提到,所有深層次矛盾喺全球疫情、經濟同政治危機中顯露無遺,無人可避;過去幾年,香港以至世界所經歷嘅變遷、不和同衝突,唔止係表面睇到咁,更痛苦嘅係,好同學、好同事、好朋友甚至家人親友之間,都可以因對世界政局見解唔同、對本地深層矛盾解讀唔同而關係破裂,形容咁係非常可悲,必須尋找復和之道。佢又話無論咩背景、文化、種族或政治經濟見解,希望大家都願意喺今年聖誕,喺一個不平凡甚至有缺憾嘅時代中,以善良、真誠,並且以迎接基督嘅心去幫人,拉近彼此距離,建立更深嘅互信互助互愛精神。

相關字詞﹕陳謳明 聖公會 周守仁 天主教香港教區

上 / 下一篇新聞