港聞

港聞二

【Emily】聖誕小鎮遷西九 唔掃「安心」禁入

【明報專訊】本港為咗同內地通關擴大「安心出行」使用範圍,除咗食肆、受規管處所,連近距離睇旅發局首度喺西九擺嘅聖誕樹,都要用安心出行。

以往旅發局嘅「香港繽紛冬日巡禮」都喺中環舉行,今年趁西九文化區嘅M+博物館開幕,第一次將20米高聖誕樹同埋聖誕小鎮,由中環搬到西九文化區藝術公園,今日下午5點會有亮燈儀式,之後會開放畀公眾參觀。旅發局話,如果大家想行入聖誕小鎮,近距離同8間以法國童話為設計藍本嘅聖誕小屋「打卡」,就要先量體溫同掃安心出行,唔想掃安心嘅市民只可以離遠望吓。

聖誕裝置會由今日起開放到明年1月2日,平安夜、聖誕節、除夕會延長開放至凌晨1點,想打卡嘅市民可以上旅發局專頁留意開放時間。

上 / 下一篇新聞