港聞

港聞二

【Emily】撐港大 譚耀宗:《國殤之柱》早應搬

【明報專訊】港大上星期透過律師去信要求已宣布解散嘅支聯會,喺聽日(周三)下午5點前移走港大校園內嘅《國殤之柱》,否則港大會視支聯會放棄《國殤之柱》。全國人大常委譚耀宗噚日出席公開活動時話,支持港大校方嘅做法,認為《國殤之柱》已放喺港大校園太耐,亦唔應該放喺港大,早就應該搬走。

話警方雙十高度戒備屬有備無患

被問到警方就雙十期間嘅活動高度戒備,譚耀宗認為警方係有備無患,準備好啲對社會穩定、避免有衝突發生係好事。

《國殤之柱》於1998年起喺港大校園豎立至今,支聯會前常委蔡耀昌日前去信港大校長張翔,要求交代校方決定嘅理據。

而隨住校方講嘅周三下晝5點「死線」逼近,近日都有唔少人去到《國殤之柱》影相,周末時亦有家長帶同仔女去影相。

相關字詞﹕譚耀宗 港大 國殤之柱

上 / 下一篇新聞