港聞

港聞二

【Emily】屋企唔興共富 張國鈞啲錢畀晒老婆

【明報專訊】民建聯聽日搞施政辯論擂台,邀請「賢路」政治人才庫嘅成員參加,該黨10個立法會議員都會落場,同其他人一較高下。10條辯題分別圍繞疫情、經濟等,該黨副主席張國鈞(Horace)話佢條題目係「特區政府應以共同富裕為施政目標」,佢要做正方發言支持。不過Horace笑言太太唔同意喺屋企「共同富裕」,「我畀晒啲錢老婆」。

民建聯搞施政辯論 唔會分輸贏

Horace話經過兩次招募後,該黨人才庫有50人,部分唔係民記成員。因應近日《施政報告》成為城中熱話,民記決定舉辦一次辯論擂台,有42個人才庫成員報名參加,佢哋周日會分成10組辯論,並設網上直播,辯題包括「香港應強制大學生參與短期軍訓」、「應立即開發郊野公園邊陲地帶以興建房屋」等。基本法委員會副主任譚惠珠、原中央政策組全職顧問王卓祺及「幫港出聲」召集人周融擔任評審,但辯論冇輸贏,所有人都會「打和」,事後再收到評審評語。

Horace話擂台唔係為12月立法會選舉「揀卒」,純粹為培育人才,加深成員對政策嘅認識,形容「人才庫唔係冷藏庫」,要不斷發掘成員嘅才能。

相關字詞﹕人才庫 共同富裕 民建聯 張國鈞

上 / 下一篇新聞