港聞

港聞二

【Emily】新主教牧徽有長頸鹿 華仁仔知由來

【明報專訊】梵蒂岡今年5月公布任命耶穌會中華省省會長周守仁接任天主教香港教區主教,《公教報》噚日公布周神父嘅牧徽(圖),每個元素都各有意思。中心標誌以唔同顏色、形狀組成,代表多元合一。中心標誌右上角係牧徽上較常見嘅鴿子,象徵聖神,另一旁係牧徽上少見嘅長頸鹿。

周守仁:看得長遠些 沒那麼緊張

曾任香港華仁及九龍華仁書院校監嘅周神父話,好多「華仁仔」都聽過佢講長頸鹿嘅故事:長頸鹿有顆大大嘅心,運送血液到頭部,象徵廣納和慷慨嘅胸襟,長頸鹿亦有廣闊視野,「視野短,容易製造恐慌給自己,看得長遠些,沒有那麼緊張」。牧徽上長頸鹿個頭仲伸出牧徽盾形外,代表視野不受局限。

港元素揀青馬橋 象徵各界橋樑

以往香港教區嘅主教牧徽常有香港元素,例如獅子山、維港等,周神父就揀咗青馬大橋,比喻教會嘅使命正係唔同界別相遇嘅橋樑,而橋本身係要被踩過,無人行就無用喇。

相關字詞﹕牧徽 天主教 周守仁

上 / 下一篇新聞