港聞

港聞二

【Emily】美影星徵港特色相 網民貼六四燭海

【明報專訊】主演《心跳500天》、《潛行凶間》嘅美國影星Joseph Gordon-Levitt上年喺社交媒體公開徵求香港嘅相,製作嘅短片剪輯咗唔少反修例示威嘅片段。佢噚日再喺facebook徵求香港朋友分享令香港特別嘅相片,可以係食物、地方、景點等。有網民提供天壇大佛嘅相,有人分享香港郊外靚景,城市景觀當然唔少得,都有人留言再次分享反修例示威、元朗7.21事件(圖),同六四維園集會嘅燭海。

此外,亦有人上載劏房相片,一間斗室一張轆架牀,人與廁所同睡。該網民以英文留言介紹,喺一間50平方呎嘅劏房,係一個4人家庭嘅屋企,有時會有不速之客,例如老鼠、跳蚤、蟑螂同蚊。該網民仲話,唔好以為呢間不人道、唔衛生、有臭味嘅房間租金好平,呢類房大部分都要月租6000港元。

相關字詞﹕香港 反修例示威 六四集會 反修例運動

上 / 下一篇新聞