港聞

港聞二

【Emily】林卓廷獄中健身 「朱古力」見雛形

【明報專訊】民主派初選案多人還押超過半年,民主黨林卓廷嘅facebook噚日更新阿廷嘅情况,佢原來喺監獄努力做運動,有網民留言鼓勵佢練番排朱古力(腹肌)出嚟,fb管理員就留言話「已經見到朱古力嘅雛形啦」。

「用僅有自由空間做想做嘅事」

阿廷話入獄最大感悟係「心態決定一切」,獄中大部分日程被規劃,心理好易麻木,佢還押初期向自己承諾,唔可以畀呢啲厄困摧毁意志,與其注視獄中種種規限,不如更積極用僅有嘅自由空間做想做嘅事,體現自由,所以佢好重視朝早瞓醒後嘅自由時間,通常都會做運動,「放風」時亦參與群體運動。佢話做議員時,立法會辦公室放置咗少少健身工具,但忙到無咩時間健身,𠵱家獄中雖然無器材,但佢每日起牀喺倉內做120下掌上壓、500下sit up,再加來回跑,放風時再請教有健身經驗嘅囚友點樣糾正動作。

相關字詞﹕健身 初選 林卓廷

上 / 下一篇新聞